حوار ساخن بين البيبسي والميرندا
داخل احد الدكاكين (البقالات )
البيبسي : اختي ميرندا ... قايمة والا نايمة ؟
ميرندا : هلا .. لالا قايمة ... وين النوم تو الناس باقي ربع
ساعة وبيسكر راعي الدكان هالانوار وبعدها بنام.
البيبسي : هل لي بحوار جانبي معك ( ابووووك يالاسلوب )
ميرندا : ايييييه عادي وش دعوا ؟
البيبسي : ماهي نوعية الحوارات الي اقصد اللي تحبينها.... ( ترا كذا الاسلوب علشان يسحب معك السيفون .. اقصد الحوار خخخخخخخ )
ميرندا : ماعندي شي معين بعدين انت ناوي تطول بالكلام ؟ تبيني اعتذر من ابوي وانام برا الصندوق ( صندوق الميرندا)
البيبسي ( فرحان ) : اييييه كلامي مايخلص ولا بكرة .... انا اصلا كانوا يقولون عني ثرثار وكثير الكلام .
ميرندا : تدري عاد اسلوبك وطرحك حلو بس ابوي يقول لاتمشون مع السود .
البيبسي : ليه ترا والله ما نعض ... ألليفين بالحيل .
ميرندا : بس تصدق انا معجبة بسوادك كأنه سواد ليلة مافيها قمرا سواد كالح كنه فحمة من كيس هالفحم اللي في المستودع تحت ... انا معجبة فيك بصراحة
البيبسي : يؤ ... احرجتيني .. امي والله صادقة ...!
ميرندا : ليه وش قالت امك ... ؟
البيبسي : امي تقول ان الميرندا احلى من الفراولة ... ماتدلعين زي الفراولة ؟
ميرندا : ياحظي .. قال فراولة قال ... وش يخليني اتدلع .
البيبسي : لا يعني لون الفراولة .. احلى من لونك (الرجال بدأ يلخبط ) لونها احمر يشق الجبهة .
ميرندا : نعم نعم نعم .... عد بالله وش قلت ... انا وشفيه لوني؟
البيبسي : لا والله مو قصدي بس لونك كنه لون هالهندي
اللي بالدكان اذا صار محسور ... (برتقالي) .
ميرندا : والله حبيبي اذا مو عاجبك ... خلني اروح لصندوقنا بس.
البيبسي : يؤ ... يالزعولة ليه زعلتي عاد من كلامي....؟
( وفي هاللحظة فتحت راعية الدكان الثلاجة وحطت فيها فراولة )
البيبسي : هلا والله وغلا بالفراولة ... يوووووووه يازينها زيناااااه .... تو مانورت الثلاجه .
ميرندا : هااااوو والله شي ... وقدامي تغزل فيها وانا من الصبح معك يالعبد الاسود يالمحترق .
فراولة : يؤ ... وشفيها هذي معصبة كنها طقاقة ما نقطوها بحفلة زواج خخخخخخخخخ
البيبسي : لالا ماعليك منها.... انتي وش هالحلاوة وش هاللون الحلو .
ميرندا : اقول يالدبا يالحمرا ء اللي لونك ماله داعي ..... كنه روج عبده
فراولة : هئق ... هئق ..( تشهق ) يالغيارة يالبرتقالية روحي بس ما
احد شراك لك اسبوع هنا مرزوعة ما احد يبيك .
ميرندا : والله ... ياشيخة تعالي دغدغيني احسن .
البيبسي : ياجماعة كل وحده فيكم لها مميزات ولها صفات مستقلة خلونا بس في المفيد .
وفي هاللحظة قاربت الساعة على 12 بالليل وجت راعية
الدكان وخذت البيبسي والميرندا والفراولة بكيس واحد
بتوديها معها للبيت وهذا الحوار اللي بالكيس :
البيبسي : هذي الساعة المباركة يوم صرنا بكيس واحد متلاصقين .
ميرندا : اقول يالكور يالعبد أيش فيك لازق بالفراولة خلها تتنفس طيب حاشرها قدامك بالكيس . ( بدت الغيرة )
فراولة : يؤ ... من سألك انتي الثانية بعد وش عليك!! خليك بحالك!!
بيبسي : لاتحرجوني !! انا اخجل من ظلي !! يؤ....وخري ياميرندا شوي
ميرندا : هذي بعد راعية الدكان ماجابت كيس كبير ... حشرتنا بهالكيس هالبخيلة
في هاللحظة راعية الدكان أخذت الفراولة وفتحتها وشربتها وما بقي بالكيس الا البيبسي والميرندا !!
البيبسي : الحمد لله يالغالية كانت مضايقتنا الفراولة !! ......... ( منافق وماله خاتمة البيبسي )
ميرندا : يؤ ... توني صرت غالية عندك .!! اقلب وجهك بس يالعبد مالك خاتمة
البيبسي : يؤ ... ضاعت على الفراولة والحين ضاعت الميرندا .... وش سويت انا ووحهي
ميرندا : ابعد بس ووخر عني ولا عاد تكلمني !!
البيبسي : يؤ .... والله احتريت ( ارتفعت درجة حرارته )
ميرندا : ايه عارفه من يوم راحت عنك الفراولة وانت متجه علي وتعبتني وكسرت قلبي
البيبسي : اييييييييه والله مريضة .... لا أكون انا السبب ؟
وفي هذه الاثناء اصبحت حرارة الميرندا مرتفعة وانشد البيبسي بهذه القصيدة يصف حال الميرندا موجه كلامه لراعية الدكان اللي خذت الميرندا وفتحتها وشربت منها جزء بسيط وألقت بها في سلة المهملات لأن حرارتها مرتفعة ( ساخنة ) وبكى البيبسي في هذه الاثناء وقال :
قالوا حبيبك محموم فقلت لهم .... انا الذي كنت في حمائه السبب
عانقته ولهيب النار في كبدي ... فأثرت فيه تلك النار فالتهب
يئطع الحب وسنينه شو بيعمل .............
وخذت راعية الدكان البيبسي وفتحته وشربته وهو ينشد القصيدة وبصراحة ماسمعت كامل القصيدة لان البيبسي طفحته راعية الدكان ببطنها قبل لا يكمل القصيدة ...
الله من كبر بطنك ياشيخة حراااااام عليكي !!
الجمعة 21 مايو - 23:54
